Ի՞նչ է www.govtravel.am-ը:
Պետական գնումների շրջանակներում գործուղումների կազմակերպման ժամանակ կանոնավոր չվերթներով ավիատոմսերի, հյուրանոցների և հարակից ծառայությունների ամրագրման նպատակով գնումները պարտադիր պետք է իրականացվեն www.govtravel.am ինտերնետային կայքում ինտեգրված ամրագրումների գլոբալ դիստրիբյուտիվ համակարգում ավիափոխադրման որոնումներ և ամրագրումներ կատարելու միջոցով:
Ի՞նչ է անհրաժեշտ ամրագրումների գլոբալ դիստրիբյուտիվ համակարգից օգտվելու համար:
Յուրաքանչյուր պետական մարմին կամ տվյալ պետական մարմնի ենթակայությամբ գործող առանձնացված ստորաբաժանում կամ կազմակերպություն համակարգի միջոցով ամրագրումներ կատարելու համար պետք է նախապես պայմանագիր կնքի «ԷԿԵՆԳ» ՓԲԸ հետ:
Ո՞վ կարող է համակարգում ամրագրումների որոնումներ կատարել:
Համակարգում ամրագրումների որոնումներ կարող է կատարել համակարգում որպես ճանապարհորդող գրանցված ցանկացած անձ՝ միայն իր համար, կամ տվյալ մարմնի կազմակերպիչ գրանցված անձը՝ տվյալ մարմնի/կազմակերպության ինտերնետային կայքում որպես ճանապարհորդող գրանցված ցանկացած անձի համար: